Падарунак для супрацоўнікаў 10 клінікі ад «Белдзяржфілармоніі»
У бясконцай працы з кавіднымі пацыентамі вось ужо як некалькі месяцаў, пачынаючы з вясны 2020 года, знаходзяцца супрацоўнікі УАЗ «10-я гарадская клінічная бальніца». Цяперашняя другая хваля не стала нечаканасцю і не застала знянацку нашых медыцынскіх работнікаў.
Аднак за штодзённай працай і барацьбой за жыццё і здароўе пацыентаў яны зусім забыліся пра адпачынак і адносіны па-за сценамі бальніцы.
Як здорава, што Беларуская дзяржаўная філармонія зрабіла для нашых супрацоўнікаў падарунак – канцэртную праграму ансамбля «Сябры» з самім Анатолем Ярмоленка і ансамбля народнай музыкі «Свята».
4 снежня адбыўся канцэрт ансамбля «Сябры» і ансамбля народнай музыкі «Свята» з прытрымліваннем масачнага рэжыму і сацыяльнага дыстанцыравання.
Канцэрт быў надзвычайны, ён быў насычаны народнымі песнямі і танцамі, якія на некаторы час прымусілі нашых супрацоўнікаў клінікі забыцца аб штодзённых праблемах і клопатах. Недарэмна ў народзе кажуць - музыка лечыць! І гэта было своеасаблівым лячэннем душы ў гэты выдатны вечар пятніцы.