Экскурсія «Па галоўнай плошчы» 22 лютага 2022г.

У гэтую суботу (22.01.2022г) члены нашага прафсаюза адправіліся на пешаходную экскурсію па маршруце «Па галоўнай плошчы сталіцы». Экскурсія пачалася на Прывакзальнай плошчы. Там мы сустрэліся з нашым экскурсаводам – Дзянісам. Ужо не першы раз ён прымае ўдзел у нашых паездках і падарожжах, і заўсёды вельмі цікава расказвае пра розныя выдатныя мясціны горада. Вось і на гэты раз мы атрымалі шмат цікавай інфармацыі.

Агледзеўшы будынак чыгуначнага вакзала, мы пачулі гісторыю двух будынкаў на прывакзальнай плошчы, якія называюць «Вароты горада». На адным з будынкаў устаноўлены гадзіннік – самы вялікі ў Беларусі. Хвілінная стрэлка роўная 1,6 метра. Гадзіннік трафейны нямецкі.

Далей па вуліцы Кірава (былой Міхайлаўскай) мы дайшлі да Міхайлаўскага сквера. Агледзелі скульптуры Уладзіміра Жбанава, якія размешчаны па перыметры. «Дзяўчынка з парасонам», «Незнаёмка», «Прыкурваючы» – яны ажыўляюць і ўпрыгожваюць сквер.

І вось перад намі плошча Незалежнасці – галоўная плошча нашай сталіцы. Усе размешчаныя там будынкі нам знаёмыя, але як цікава было пазнаць розныя гісторыі, звязаныя з імі. За кожным будынкам ёсць свая гісторыя, свая легенда.